#تكليف الصيادله فين_وامتي .. رسائل وصور ساخرة من الصيدليين لوزارة الصحة

دشن خريجو كليات صيدلة هاشتاج كوميدي أطلقوا عليه #تكليف الصيادله فين_وامتي للتحدث عن حقوقهم في الحصول على تكليف وهو ما يعني قضاء فترة في صيدلية تابعة لوزارة الصحة والسكان بعد التخرج كنوع من مزاولة المهنة وذلك طبقًا لقانون التكليف رقم 29 لسنة 1974، وتكون مدته عامين قابلة للتجديد. وتضمن هاشتاج #تكليف الصيادله فين_وامتي صورًا وعبارات ساخرة من عدم منح خريجي صيدلية 2018 تكليفًا حتى الآن، ويقدم "الوكالة نيوز" بعض التويتات. نشرت علا صالح صورة للفنان الكوميدي أحمد مكي وهو في شخصية حزلقوم وقالت: "بقالنا سنة ونص متخرجين كلفونا وخلوا عند أهلكوا دم"، فيما نشر علاء حمدي صورة للفنان محمد هنيدي من فيلم صعيدي في الجامعة الأمريكية، وقال: "احنا خلاص زهجنا ومش مستحملين اكتر من إكده". ونشر أماني صورة لطبيبات يركبن "حنطور" للذهاب إلى الأطفال من أجل التطعيم بأحد القرى الفقيرة، وقالت: "ده مثال آخر لفشل وزارة الصحة بتاعتنا"، أما أسماء منصور، فنشرت صورة من فيلم أفواه وأرانب، وقالت: "كان يوم اسود يوم ما دخلت صيدلة". وقالت أسماء الشناوي: "تلفزيون وطلعنا جرايد وكتبنا تريندات وبقينا نعمل ايه تاني؟"، أما سمر محمد فنشرت صورة من فيلم الناظر، وقالت: "ادي قرار الإعلان والتعيين ي سيدي"، فيما قال عبدالله نديم: "انا نفسي افهم دفعتي مش بتتكلف ليه !!". وتفاعل ناصر عزت مع هاشتاج #تكليفالصيادلهفين_وامتي ، قائلًا: "إحنا مش عالة علي الدولة إحنا من غيرنا المنظومة الصحية كلها تفشل"، فيما قال أحمد فوزي: "فين التكليف يا وزارة الصحة يا محترمة". وغردت أماني حسين: "ما تنجزي بقى يا وزارة احنا تعبنا من قاعدة البيت مش كده طب"، أما آية رضا، فقالت: "ياولية كفاية بقي غل وحقد علي الصيادلة"، فيما قالت زينب صبري: "بقالنا سنتين بنهاتي و نتكلم و محدش بيسمعنا... المفروض نعمل ايه يعني... هنفضل نتكلم لحد امتي و انتوا عاملين مش سامعين و مش شايفين". وقال باسم بكر هو الآخر: "متخرجين من سنتين هنستنى لحد امتى عايزين نشتغل بقى"، فيما قال تغريدة أحمد: "يا وزيرة الصحة المناصب مش دايمه اعملي حاجه لاخرتك ياشيخة"، أما أمير صقر، فقالت: "يا وزاره متخاذله وأحنا حقنا فين.. طلعوا اعلان تكليف دفعه ٢٠١٨ صيدله بقى". نور محمد https://twitter.com/search?q=%23%D8%AA%D9%83%D9%84%D9%8A%D9%81_%D8%A7%D9%84%D8%B5%D9%8A%D8%A7%D8%AF%D9%84%D9%87_%D9%81%D9%8A%D9%86_%D9%88%D8%A7%D9%85%D8%AA%D9%8A&src=trend_click&f=live