رسائل كوميدية من الطلاب لـ وزير التعليم العالي : «نفسنا نترجاك بس الريس هيلغي الترم»

هاشتاج ملئ بالكوميديا أطلقه الطلاب على موقع التواصل الاجتماعي الشهير "تويتر" للتحدث مع وزير التعليم العالي الدكتور خالد عبد الغفار، عن رغبتهم في إلغاء الترم الثاني بسبب مواجهتهم صعوبة في التعلم عن بعد في الفترة الحالية التي يطبق فيها الحجر المنزلي منعًا لتفشي وباء كورونا. وتضمن الهاشتاج أكثر من ألف تويتة في أول ساعة من إطلاقه، وسيرصد "الوكالة نيوز" أبرز التويتات. غرد أحمد إسلام، قائلًا: "اوعى تكون هتلغي الامتحانات بس مخبي علينا عشان صدمة الفرحه"، فيما قال خالد الشريف: " والله كان نفسي اترجاك تلغي الترم زيهم بس سيادة الريس حبيبنا كده كده هيلغي الترم". وقال سليمان سلطان: " انا بس مستني مؤتمر يوم السبت ييجي عشان اعرف الوزير هيلغي الترم التاني ولا لأ = يعني لو متلغاش هتذاكر ؟؟ لأ هستني المؤتمر اللي بعده". وغرد معاذ سمير: "كان نفسى اشارك معاكو والله بس اسف اتخرجت وقفلت الباب ورايا"، فيما قال أحمد عبدالنبي: " معندنااش راوتر ومجبتش الكتب ألغييييي". ونشرت نهلة قرار وزير التعليم السعودي الذي أكد أن جميع الطلاب ناجحين ومنقولين إلى المرحلة الدراسية المقبلة، وغردت قائلة: " يلا خليك احسن منه والغي الترم بقي ولا اقولك نمشيها يا سيدي ابحاث احنا موافقين اعمل حاجه عدله ده احنا داخلين علي رمضان الطلبه هتفطر وتدعيلك بدل ما تدعي عليك". وقال أحمد كامل: " هيطلع يلغى الميدتيرم تانى باين"، فيما قال حسن خالد: " هي بقا نونوت في دماغي ومش هفتح كتاب الا السنه الجايهيضحك متقلبًا على الأرض"، أما وليد عبدالعزيز، فقال: " متمشيها بحث وكل سنه ونتا طيب بقا وجه مع دموع السعادة". وقالت سارة محمود: "والنبى لو امتحنتونا لنتف ف وش بعض ف اللجان ونجيبلكم مصيبه"، أما حساب "مو صلاح"، فقال: " يسطا والله النت ما بيشغل محاضرات اونلاين... تعليم اونلاين ايه بس انتو ما سمعتوش عن شركة We؟". وغرد سيد أحمد: "بعد 22 سنة خدمة ف التعليم المصري لا عارفين هنتخرج والا مش هنتخرج السنة"، أما رشا أشرف، فقالت: " اديني سبب واحد مقنع مخليك تتمسك بالترم اوي كده". اقرأ أيضا: قوالب جاهزة عن الطاقة للمراحل الابتدائية