التعليم: امتحانات الثانوية العامة في موعدها وتخوف الطلاب بسبب كورونا

تسيطر حالة من الغضب والاستياء علي طلاب الثانوية العامة، خاصة بعد تحديد موعد الامتحان وإعلان أرقام الجلوس وتأكيد وزير التربية والتعليم علي امتحان الطلاب في موعدهم، علي الرغم من إلغاء الامتحان للمرحلتين الإبتدائية والاعدادية والاكتفاء بالأبحاث، والصفين الأول والثاني الثانوى يمتحنون إلكترونيا بالمنازل، وتم تأجيل امتحان الفرق النهائية بالجامعات لحين عودة الحياة لطبيعتها، حفاظا علي سلامة الطلاب. وقد أكدت وزارة التربية والتعليم علي موعد الامتحان وإعلان كافة التفاصيل الأحد المقبل، و زيادة أعداد لجان امتحانات الثانوية العامة، حيث أرسلت المديريات التعليمية قوائم بأعداد اللجان وأسمائها إلى لجان الإدارة المختصة حسب القطاعات التى تتم فيها الامتحانات على مستوى الجمهورية، بالإضافة إلي تقليل أعداد الطلاب داخل اللجان ليصبح (14) طالبًا. وتنطلق امتحانات الثانوية العامة 7 يونيه وتستمر حتي 5 يوليو، وقد دشن طلاب الثانوية العامة هاشتاج تصدر موقع التواصل الإجتماعي تويتر رئاسه_الوزرا_العدل_تاجيل_3ث#، للمطالبة بتأجيل الامتحانات حفاظا علي سلامتهم وسلامة أهليهم. وقال أحمد كساب حد رواد موقع التواصل الإجتماعي إن "لو طالب دخل اللجنة وأصيب بكورونا،ستتحول اللجنة بأكملها لحجر صحي من غير مايشوف اهله وممكن يكون أخر مرة فلازم نحافظ علي حياتنا عشان أهلينا مش عشانا، فكروا كويس". وتابع معتز محمد أنه " ‏لم يرى الطلاب الموجودين فى كل دول العالم عملوا كمية التوسلات و الهاشتجات و المطالبات الموجودة عندنا هنا فى مصر علشان يشحتوا حق الحياة، ولكن بكل سهولة كل دولة لغت التعليم حفاظا على حياة الطلاب ". وأضافت ندى أسامة قائلا " ‏علي فكرة احنا مش فشلة عشان انتوا فاكرين أن احنا بنطالب بالتأجيل عشان مش مذاكرين يعني هو لو مكانش في فيروس الشخص فينا حتي لو مش مذاكر هيدخل بس اصلا مفيش حد في ثانوية عامة مش مذاكر وعلي فكرة احنا مستعدين للامتحان بس احنا خايفين علي أهلينا".