عمرو وردة يرفض عرض بيراميدز والزمالك.. ويكشف موقفه من المنتخب

أكد عمرو وردة لاعب فولوس اليوناني أنه لن يلعب في مصر إلا في النادي الأهلي، مؤكدا أنه يرفض فكرة اللعب للزمالك أو بيراميدز.

وقال وردة: " لم أفكر في العودة لمصر، كان هناك مفاوضات من الأهلي وأنا ابن النادي كانت المفاوضات رسمية،، لو في يوم من الأيام عودت لمصر سيكون على النادي الأهلي.

وواصل وردة تصريحاته: "لن ألعب في مصر غير للنادي الأهلي، نادي الزمالك كبير جدًا ولدي احترام غير طبيعي له ونادي بيراميدز أيضًا".

وواصل وردة: "الفلوس مش هتخليني مبسوط ولكن لما تكون صحتي كويسة وأهلي كويسين، وأنا بلعب كورة علشان بحبها".

وأكمل: "ليه آخد زيادة في الفلوس وأخسر بيتي اللى هو النادي الأهلي اللى اتربيت فيها واتعملت فيه قيم ومبادئ، وعلموني يعني إيه التزام".

ولفت إلى أنه تلقى عروضًا للعب في الدوري الإسباني والإيطالي.

وعن عدم زواجه حتى الآن، علق: "أنا 27 سنة لكن مش هتجوز دلوقتي لأني مركِّز في الكورة، والحمد لله مواظب على الصلاة في اليونان ومش هاخد صورة وأنا بصلي".

وتابع: "أقاتل من أجل العودة للمنتخب، سأكون أكثر شخص سعيد في الدنيا إذا انضمت للمنتخب، سأبذل كل ما في وسعي، وأجعل كل شخص يعلم إنني موجود، ولن أخرج من غرفتي".

وأضاف: "تواصلت مع حسام البدري قبل توقيعي لنادي فولوس اليوناني، ولن أطلب من أي لاعب أن يتوسط لي لكي أعود للمنتخب سأعود بمجهودي، سأعود لأجعل الناس يعلمون من أنا".