تحقيقات وحوارات
قفشات ساخرة للمصريين بمناسبة نتيجة الثانوية العامة.. فعلاً «شعب أبن نكته»
المارد: ولاد خالي حصولوا على 100% أحمد 49% وندى 51% شرفتونا.. ومحمد: ابني جاب 98% هشيله من علي الشاحن
.. وهكذا هم المصريون شعب " ابن نكته دمه خفيف " يواجه اي ازمة بـ إبتسامة وكل مأزق بـ سخرية ومل مصيبة بـ دعابة ، وكانت نتيجة الثانوية العامة التي ظهرت منذ ساعات قليلة مثار دعابة ونقد سخرية خاصة بعد تراجع نسب النجاح وتزايد اعداد الراسبين وانخفاض واضح في المجاميع مقارنة بـ الاعوام السابقة وانتشرت القفشات الساخرة والنكات الضاحكة علي منصات السوشيال ميديا بما يؤكد ما اشتهر به المواطن المصري من خفة في الدم رغم صعوبة الظروف وقسوة الواقع تجد النكته لديه حاضرة في كل المواقف .
شرفتونا
حساب يحمل اسم حسام عبد الواحد قال ساخراً : الف مبروك لابو احمد وسارة بمناسبة نجاح أولاده " احمد وسارة " فى الثانوية العامة وحصولهما على 97 % " سارة جابت 52 % و احمد جاب 45 % .. الف مبروك " .. وبدأت السخرية نشر حساب يحمل اسم المارد تغريدة قال فيها : " ألف مبروووك ولاد خالي حصولهم على 100 % في الثانوية العامة أحمد 49 % ندى 51 % شرفتونا " .
بينما قال علي الجنايني : انا ابني جاب 52 % في الثانوية العامة تفتكروا ممكن يخش ايه ؟! ، ليرد عليه أحد المتابعين قائلاً : ده يخش غيبوبة .. وقال علي : " لو سألته جبت كام في الثانوية وقالك الحمد لله خلاص اقفل وخليك خفيف بلاش فضول " .. وعقبت زينب محمد : " ناس كتير من صحابي مكتوبلهم راسب ربنا يستر بجد وحسبي الله " .. وعلق محمد محمود مداعباً : الحمد لله ابني جاب 98 % أشيله بقاا من علي الشاحن ههههه #الثانوية_العامة .
واردف محمد رشاد مغرداً : مش انا خلصت الثانوية العامة بقالي اربع سنين امال متوتر ليه ، بينما كتب حساب يحمل اسم الثانويه العامه : السنادي وحده وحده كله هيدخل كليااات بالنظام الجديد ده ومتقلقوش فيي قهاوي كتير فتحت ف انتظاركم بعد التخرج ، #ثانويهعامه٢٠٢١ .. وعقب تامر عبده أمين : كلمتين بمناسبة نتيجة ثانوية عامة ، أيام ثانوي كنت في مدرسة عسكرية في الصعيد ، وكان نفسي أدخل كلية هندسة. هريت نفسي مذاكرة وبهدلة ومرمطة دروس خصوصية وحصص تقوية لما اتعميت ، هندسة السنة اللي قبل تخرجي من الثانوية العامة كانت بتاخد من 90% واللي قبلها 90.5 % .
عياط وانتحار
وقال كريم ساخراً. : اليوم يوم نتيجة الثانوية العامة دا انا شكيت اني حامل من كتر وجع بطني .. وقال احمد : الثانوية العامة امتحنت 7 مواد مصر كلها شهدت عليهم وعلي اللي حصل فيهم من عياط وحالات اغماء وحالات انتحار وخناقات المدرسين علي الاجابات قبل الطلاب وكل اللي حصل دا و الازهر امتحنو ٢١ مادة في هدووء تااااام جدا محسناش بيهم اصلا والله مسمعنالهمش حس ولا اي حاجة ونتيجتهم بانت بهدووء .
وقال بيبرس : احنا مش عايزين نعرف أسامي أوائل الثانوية العامة إحنا عايزين نعرف اسامي العيال اللي جابت 50 % ، لان دول مستقبل مصر .. وعقب علي دويدار : الف مبروك لكل طلاب الثانويه العامه مبروك للناس اللي جابت مجموع عالي و حققت اللي نفسها فيه ، و مبروك للشباب اللي معرفش يجيب المجموع اللي يدخله الكليه اللي نفسه فيها ، بس متعرفش الخير فين ، اكيد ربنا شايلك مكان احسن و فيه الخير ليك ، حياتكو لسه قدامكو وهتحققو كل اللي نفسكو فيه .
