أخبار عاجلة
الرئيس السيسي: نقاتل من أجل المعرفة والتعليم.. والفكر المتطرف سبب تعطل خططنا
قال الرئيس عبد الفتاح السيسى أن المواهب متساوية ومفيش أمة ربنا خلى المواهب والعقول أكبر فيها من التانية.. العقول متساوية ولكن الموارد مختلفة، مضيفا أن الجامعات العالمية تحتاج إلى اختبارات لقياس مستوى الطلاب قبل الدخول إليها، متابعا: "لو التعليم بتاعنا متواضع مش هنقدر ندخل.. حبنا نعمل في بلادنا هنا جامعات عالمية.. وهنعمل هنا.. هنفضل نقاتل من اجل المعرفة والتعليم الحقيقى في بلادنا هنا".
وأكد الرئيس السيسى، خلال كلمته في منتدى لتعليم العالى العالمى بالعاصمة الإدارية الجديدة: "بنحط 100 فرصة تعليم مجانية في الجامعات العالمية.. مساهمة متواضعة من مصر.. 100 فرصة تعليم.. فيه أكثر من كده ممكن نعمل.. من خلال تضافر الجهود ويكون فيه صندوق التعليم فيه مليارات الدولارات لتعليم الموهوبين.. يارب مكنشى طولت عليكم سعيد بيكم.. واحنا كمان عايزين نبقى معاكم.. ساعدونا".
ووجه الرئيس السيسى رسالة إلى العالم الإسلامي قائلا: "انتبه للفكر المتطرف الأحمق اللى هدف منه يدمرك ويدمر مستقبلك.. الفكر الجامد والمتطرف لتدمير الشعوب ومستقبلها وحياتها.. الإسلام ملوش علاقة بتدمير حياة الشعوب".
