أبرز تصريحات هنا الزاهد في صاحبة السعادة وسبب انفصالها الحقيقي

حلّت الفنانة هنا الزاهد ضيفة في برنامج صاحبة السعادة، التي تقدمه الفنانة والإعلامية إسعاد، يونس، والمذاع على قناة dmc الفضائية، وتخدثت خلاله عن سبب انفصالها عن الفنان أحمد فهمي، فضلاً عن مشوارها الفنى وحياتها الشخصية.

ونستعرض لكم خلال التقرير التالي أبرز تصريحات الفنانة هنا الزاهد خلال حلقة برنامج صاحبة السعادة مع إسعاد يونس.

تصريحات هنا الزاهد خلال حلقة برنامج صاحبة السعادة

قالت هنا الزاهد:"انا ما نزلتش دمعة بعد الانفصال، ورحت عند إخواتى وبقيت وسطيهم، وكان عندى إيمان إن ربنا شايلى حاجة علشان كدة حصل الإنفصال، وزملائى فى اللوكيشن اتصدموا قالوا ما نعرفش إن كان عندك مشكلة".

وأضافت: "أوقات بيكون عندى حزن ولما بكون بشوشة مببينش، وبحسم الأمور بعقلى وقلبى بعد أن كنت أتعامل بقلبى، واتقرصت من ناس كتير، وانا مبسوطة بكل الفترات اللى مريت بيها".

تابعت هنا الزاهد:"بتمنى الخير للشخص اللى كان معايا ولو جالى دور حلو ممكن أشترك معاه، لأنه أصبح بالنسبة لى زميل مش صاحب"

وعن مواصفات فتى أحلامها، قالت: "فتى أحلامى يكون راجل وسند وضهر ويعمل كل حاجة علشان يراضينى ويشجعنى علشان أكبر، وأحس بالأمان معاه، وانا ما بتشدش للى فى سنى وبحب الأطفال، وعشان كده نفسى فى بنت وولد".

سبب انفصال هنا الزاهد وأحمد فهمي

وعن سبب انفصالها عن أحمد فهمي، قالت هنا: أنا بحب الأطفال جدا وكنت أتمنى تكوين عائلة، ولكن الواقع كان غير كده، الأمور لا تُحسب هكذا، وكنت أتعامل بحسن نية واللي قدامي ماكنش كده».

كنت عمري ما أتخيل حاجة اسمها طلاق، وربنا كان عارف إني مش مؤهلة لحاجة زي دي، وسهلها عليا، والموضوع حصل بالتدريج خلال 8 شهور».

وتابعت: «لو رجع بيا الزمن هخوض التجربة تاني، عشان أنا مكنتش هتعلم غير لما أتخبط جامد عشان أركز في اختياراتي بعد كده، ولكن مش أي حد نصدقه وندخله بيتنا وحياتنا، ومنزلتش دمعة بعد انفصالي وركزت مع نفسي، وقررت أشفى هنا من كل حاجة وإتخطيت وكنت راضية جدا».

كما تحدثت هنا عن عائلتها، إذ قالت: أمي بتخاف علينا، ومربيانا قوي وتعلمنا منها كتير، وأنا رومانسية جدًا وحساسة بزيادة، ومقدرش أعيش من غير ما أحب، وبتقمص وغيورة، ومبيبنش عليا، وديمًا الأم نظرتها صح ومش بتخيب، ومرض أمي كسرني والحمد لله ربنا شفاها، واللي مالوش خير في أهله مالوش خير في حد.

وتابعت: شقيقتي نور رايقة بتحب السفر والميك أب وفرح نفس شخصيتى، وأمي بتحب تدلعنا، ومش بتجبرنا على المذاكرة، وكنت بعاندها وشاطرة دايمًا، وفي آخر عامين اتصاحبت على شلة واترفدت أسبوع من المدرسة.

وعن علاقتها بوالدها قالت هنا الزاهد :«بحب اللى يحتوينى وأشعر معاه بالأمان، ووالدي شخص جميل لكن مش بشوفه كتير»، وكان نفسى يكون معايا فى كل مراحل حياتى ويسمع كل اللى جوايا فهو مثقف كان هيفيدني من تجاربه وأنا مفتقداه فى حياتي».

واضافت هنا الزاهد :«مش أي حد تآمنيه وتدخليه بيتك وتعيشي الحياة بعبط، وبحب بيتي يبقى مقفول علينا».

رد فعل أحمد فهمي بعد إلغاء هنا الزاهد متابعته على مواقع التواصل