الفن
"بتمنى أنساك" للمطربة شيرين عبد الوهاب تحقق النجاح بالرغم من حذفها
أغنية بتمنى أنساك.. تصدرت اغنية بتمنى أنساك أحدث أعمال المطربة شيرين عبد الوهاب، تريند مواقع التواصل الاجتماعي وموقع بحث جوجل العالمي، وذلك بعد طرحها من خلال حسابها الشخصي بموقع الفيديوهات يوتيوب.
أغنية بتمنى أنساك للمطربة شيرين عبد الوهاب
وحققت اغنية بتمنى أنساك للمطربة شيرين عبد الوهاب بعد طرحها عبر حسابها الشخصي بموقع الفيديوهات العالمي يوتيوب، أكثر من 400 ألف مشاهدة، بعد أيام قليلة فقط من طرحها.
كلمات أغنية بتمنى أنساك
ونستعرض لكم خلال التقرير التالي كلمات اغنية بتمنى أنساك أحدث أعمال المطربة شيرين عبد الوهاب، بعد طرحها عبر حسابها الشخصي بموقع الفيديوهات العالمي يوتيوب.
وجاءت كلمات أغنية بتمنى أنساك للفنانة شرين عبد الوهاب على النحو التالي:
بتمنى أنساك زي ما أنت نسيتني في يوم
بتمنى أنساك وأنسى إني حبيتك يوم
بتمنى أنساك زي ما أنت نسيتني في يوم
بتمنى أنساك وأنسى إني حبيتك يوم
بتمنى أنساك زي ما أنت نسيتني في يوم
بتمنى أنساك وانسى إن أنا حبيتك يوم
وييجي النوم
أو ييجي الموت
بس يسكت صوت الآه والعتاب واللوم
بتمنى أنساك
أنا بتمنى أنساك
هو أنا حبيتك ليه؟ صدقت كلام أوهام
وصحيت على نار وآلام
كان قلبي وحيد مرتاح
وأنت اللي مليته جراح
خليتني أحبك ليه
لما أنت محبتنيش؟ وازاي أنا بموت وتعيش وعينيك بالليل بتنام
بتمنى تزول ملامحك من بالي تزول
لو حتى تروح بطلوع الروح مقبول
بتمنى تزول ملامحك من بالي تزول
لو حتى تروح بطلوع الروح مقبول
بس مش معقول
اتعذب على طول
كل يوم بعينيك مشغول
كل يوم بإيديك مقتول
هو أنا حبيتك ليه؟ صدقت كلام أوهام
وصحيت على نار وآلام كان قلبي وحيد مرتاح وأنت اللي مليته جراح خليتني أحبك ليه
لما أنت محبتنيش؟ وازاي أنا بموت وتعيش وعينك بتنام
بتنااام
بتمنى أنساك زي ما أنت نسيتني في يوم
بتمنى أنساك وأنسى إني حبيتك يوم
بتمنى أنساك.
رسالة المطربة شيرين عبد الوهاب لجمهورها
وجهت الفنانة شيرين عبدالوهاب، رسالة إلى جمهورها، عبر حسابها بموقع "إكس"، المعروف باسم تويتر سابقاً.
وكتبت شيرين: "أنا باشكر كل شخص ولد أو بنت، وبقولكم إني بتابع تعليقاتكم الجميلة دي، وربنا يديمكم نعمة في حياتي، لأن أنتم حياتي كلها، وآسفة أني مش برد على واحد واحد بس بشوف كل تعليقاتكم".
الملحن عزيز الشافعي يعلق على أزمة شيرين عبد الوهاب مع روتانا
وعلق الملحن عزيز الشافعي على أزمة الفنانة شيرين عبد الوهاب مع شركة روتانا بعد حذف أغانيها الجديدة منهم بتمنى أنساك.
قال "الشافعي" في مقطع فيديو عبر قناته الرسمية على موقع الفيديوهات يوتيوب: "نزل غنوتين من ألحاني لشيرين عبد الوهاب وكنت أتمنى ينزلوا بطريقة أحسن من كده، شيرين وعدت جمهورها أنها هتنزل أغاني وأصعب حاجة أن الفنان يبقى عايز يشتغل ويتمنع".
تابع: "إحنا عندنا شيرين واحدة وعايزين نسمعها ونفرح بأغانينا مجهود كبير عملناه في الأغاني وفرحان أنها بصوت شيرين وزعلان أنها بتتمنع، الاستعجال في نزول الأغاني ضايقني لكن شيرين كانت مجبرة وأنا متفهم موقفها وبدعمها وفي ضهرها".
استكمل: "الاستعجال خلى أغنية زي بتمنى أنساك تنزل قبل ما تخلص بس مش ده المهم، المهم إني عايز اسمع شيرين في كل حتة، في الراديو واليوتيوب والمنصات، لأن الأغاني دي تستاهل وأنتوا استقبلتوها استقبال رائع، وبقول يا رب شيرين تعدي الأزمة دي زي ما عدت كتير وأنا فرحان بحماسها وشجاعتها ومقدر أنها ممكن تكون غلطت أو التعاقد فيه حاجة غلط أو هي تعدت على حقوق حد، وأنا مبحبش كده طبعا".
اختتم: "أتمنى يبقى فيه حد كبير في المزيكا أو في أي حتة يحل الإشكالية دي ويخلي الناس ناخد حقوقها وشيرين تشتغل وتمتعنا وتخرج من مشاكلها الخاصة وتتكلم معانا في الفن".
