الفن
تامر حسني يرد على هجوم حلا شيحة له
يتابع الجمهور تفاصيل أزمة الفنانة حلا شيحة وهجومها على الفنان تامر حسني بعد نزول الفيديو الكليب الخاص بأغنية «بحبك» لفيلم «مش أنا» الذي يتم عرضه حاليا بجمع دور العرض، وحقق فيلم «مش أنا» نجاحا كبيرا ونال إعجاب الجمهور، بجانب ارتفاع إيرادات الفيلم منذ عرضه خلال الاسابيع القليلة الماضية.
وجاء فيلم «مش أنا» من بطولة الفنان تامر حسني والفنانة حلا شيحة التي علقت على نزول الفيلم ونجاحه بتبرأها منه، حيث تم تصويره منذ أكثر من سنة ونص وتأخر نزوله بسبب ظروف انتشار فيروس كورونا، وقالت: « أنا كمان حالى اتغير واتجوزت الحمدلله والفيلم فعلا بقي «مش أنا»، وباتمنى التوفيق لكل زملائي»، ويقدم لكم موقع «الوكالة نيوز» أول رد من الفنان تامر حسني على ما قالته الفنانة حلال شيحة عبر حسابها الرسمي خلال السطور القادمة للتقرير.
رد تامر حسني على تعليق حلا شيحة
وقام الفنان تامر حسني بالرد على تعليق الفنانة حلا شيحة الذي أثار الجدل بين الجمهور والفنانين أيضا، وقال: « الحقيقة عمري ما بتخيل إني أدخل في نقاش بالشكل ده مع زميل بحترمه وكان بينا كل خير، للتوضيح بما إنك يا حلا كتبت بوست وأشركت الجمهور الكريم معانا، بدال ما كنت تكلميني شخصيًا ونتناقش بيني وبينك، فأنا مضطر أرد هنا برضو».
وتابع قائلاً: «أولاً أنا عمري ما وعدتك إن الكليب مش هينزل ده محصلش أصلاً يا حلا مش أنا خالص اللي أوعد وأخلف، الحقيقة إني احترمت كلامي معاك ووعدتك أشيل مشاهد تانية طلبتيها، وشلتها بالفعل، وشكرتيني عليها، ولو حابة تفتكري المشاهد اللي اتشالت بعد إذنك روحي شوفيها في المونتاج عند الأستاذ عمرو عاكف، أو كلميه يبعتهالك كلها موجودة».
إصرار حلا شيحة على دورها بالفيلم
وأضاف تامر قائلا: «وبعدين هو مش أنت اللي مضيت عقد وتقاضيت عليه مبلغًا كبيرًا عشان الدور دا بعينه، هو مش إنت اللي صورتيه ومثلتيه بنفسك وبمنتهى الرضا ولا حد أجبرك، وللتوضيح للجمهور الكريم أنا والمخرجة الأستاذة سارة وفيق بعتنالك، وكنا بنتحايل عليك تيجي تشوفي شغلك قبل إصدار الفيلم عشان لو عندك أي ملحوظه تقوليها».
واستكمل: «ما كنتيش بتردي علينا وتليفوناتك كلها كانت بتقفل في وشنا، إنت للأسف يا حلا متعاملتيش صح مع الموقف كان لازم تهتمي بأمرك أكتر من كده ولو كان ليك أي طلب تاني كنت هعمله بكل حب».
