الفن
بعد إثارتها للجدل عمرو أديب يوجه رسالة قاسية لحلا شيحة التفاصيل
أثارت الفنانة حلا شيحة حالة كبيرة من الجدل العارم خلال الايام القليلة الماضية، وذلك بعدما نشرت منشور لها على صفحتها الرسمية على موقع التواصل الاجتماعي "فيسبوك"، أعلنت فيه عن تبرأها من فيلمها الجديد "مش أنا"، والتي تقوم ببطولته مع الفنان تامر حسني.
من جانبه حرص الإعلامي عمرو أديب ، على الرد على المنشور الخاص بالفنانة حلا شيحة والتي كتبته فور نزول كليب فيلمها الجديد "مش أنا"، والتي تقوم ببطولته مع الفنان تامر حسني، بعنوان "بحبك".
عمرو أديب يوجه رسالة قاسية لحلا شيحة بسبب مش أنا
قال الإعلامي عمرو أديب ، من خلال برنامجه "الحكاية" المذاع على إحدى القنوات الفضائية، قناة "ام بي سي مصر"، التالي: "حلا شيحة لديها مواقف بتحب وتكره وتلبس الحجاب وتخلعه، ولا يجب أن تقرر للناس هي تعمل إيه أو متعملش إيه".
أضاف عمرو أديب ، قائلًا: "حاسس إن اللي بيحصل اليومين دول مش صدفة، موضوع حلا، وموضوع البوركيني، وجدل عن الحجاب، حسسني إننا رجعنا لأيام زمان"، متسائلًا: "هل كل إللي بيحصل ده صدف.. الفار لعب في عبي، وحسيت إن إللي بيحصل ده مش عادي لأنها موجة جاية".
تابع أديب: "إللي عايز يتحجب يتحجب اللي عايز يمثل يمثل، واللي عايز يلبس مايوه يلبس، ربنا اللي هيحاسب الكل، وفيلم "مش أنا" مفيهوش شيء خارج زي كل أفلام تامر، مشوفتش شيء يزعج حلا".
وتسائل عمرو أديب، قائلًا: "لو عندكوا مشكلة مع بعض ليه الموضوع اتكتب، وليه معز مسعود كاتب رسالة لمراته على الانستجرام، ما تقولها في البيت، فيه جو ما مش مريحني في المواضيع دي، ولكن دي حاجات كانت بتحصل زمان زي موجة عورة الرجل وموجة المايوهات وموجة شورتات الراجل"، معلقًا: "عايزين يرجعونا للعصور الظلامية".
سبب أزمة حلا شيحة مع تامر حسني
تجدر الإشارة إلى أن الفنانة حلا شيحة، كانت قد هاجمت الفنان تامر حسني، خلال الايام القليلة الماضية بعد تجاهله لها، وذلك بعدما نشرت عبر صفحتها الشخصية منشورًا لها تتبرأ فيه من دورها في الفيلم فور طرح الفيديو كليب "بحبك" الخاص به على موقع الفيديوهات العالمي "يوتيوب"، والذي يتضمن عدد من المشاهد الرومانسية التي تجمع بينهم.
جاء في منشور الفنانة حلا شيحة، التالي: أنا اتفاجئت جدا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته و وضحت فيه انا ايه ..و اتفاجئت اكتر خصوصا بعد وعد تامر حسني ليا وتأكيده انه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي.
وأضافت حلا شيحة : إحنا يمكن نجحنا بمقايس الدنيا بس صدقوني بمقایيس ربنا احنا لم ولن ننجح انا عارفة ومتأكدة ان زملائي جواهم خير بس للأسف فتنة الشهرة و النجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل وبننسی.
وتابعت حلا شيحة :انا مش حتكسف من حد انا تبت من المشاهد دي و هي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن.
وأكملت حلا: إحنا كلنا عندنا امتحان في الدنيا دي و حابة افكرك بالفيديو ده یا تامر اللي قولت فيه انا مش بتمني أموت وأنا مطرب انا دايما خايف کده.. كلام أكيد قولته في لحظة صدق جواك و جوانا كلنا من شوفه تاني يمكن يفكرك أن جواك اكيد في صراع و انا و كلنا كلنا بنغلط بس المهم في الاخر نتدارك الغلط و نصلح .{إلا من تاب و امن عمل عملا صلحا أوللېك يبدل الله سيئاتهم حسن وكان الله غفورا رحيما.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد.
