الفن
تصاعد أزمة حلا شيحة بعد رد معز مسعود وسارة وفيق
لاتزال الفنانة حلا شيحة متصدرة التريند على مواقع التواصل الإجتماعي ومصدر بحث الكثير بعد أزمتها، حيث شن عليها عدد كبير من النجوم والمخرجين هجومًا عليها بعد تبرأها من فيلم "مش أنا" وهجومها على النجم تامر حسني، وعلى الفن بشكل عام.
تعقيب الداعية معز مسعود على ما نشرته زوجته حلا شيحة
وما زاد حدة الإشتعال رد زوج الفنانة حلا شيحة الداعية معز مسعود، عندما كتب على حسابه الخاص بموقع التواصل الاجتماعي الشهير انستجرام:"إلى زوجتي الغالية حلا.. قادر أفهم انزعاجك نتيجة مرور وقت كبير على تصوير الفيلم ده بسبب كورونا وإن حياتك اتغيرت زي ما انتِ قولتي في البوست بكل احترام".
وتابع: "قادر كمان أفهم انزعاجك من التركيز على المشاهد دي وتجميعها رغم الوعد الشفهي بتجنب ذلك من صناع العمل (الكلام ماكانش عن إلغاء الكليب ولكن إن التركيز ميكونش على مشاهد معينة زي دلوقتي)، خصوصًا مع نزول الكليب في توقيت له قدسية كبيرة بالنسبة لنا"، مضيفا "ولو كنا نعرف ان الوعد مش كافي علشان يحل المشكلة دي كنا مشينا في حلول تانية.. اللي بينك وبين ربنا فيما يخص أجورك عن أعمالك السابقة مش مضطرة تقوليه لحد.. ومتشغليش بالك بأي كلام بيتقال بغير علم.. الناس مش بتاخد بالها من تفاصيل كتير أبسطها الوقت الطويل والأحداث الكبيرة اللي بتحصل في حياة اللي بيتكلموا عنهم بمنتهى الأريحية والثقة والتسرع في إصدار الأحكام.. قادر أفهم قصدك لما اتكلمتي عن (نوع معيّن) من المشاهد يعني نوع معيّن من الفن و(مش تعميم على الفن كله)".
واختتم قائلًا:" عاوز أفكرك يا حبيبتي إن رحلتنا هي رحلة بحث عن الحق والخير والجمال.. رحلة اعتزاز بالثقافة والهوية.. نموذج قوي لرفض التطرف على الناحيتين".
رد المخرجه سارة توفيق على تعليق الداعية معز مسعود وزوجته
لتخرج المخرجة سارة وفيق مخرجة فيلم "مش أنا" عن صمتها ، قائلة:"أستاذ معز أنا سارة وفيق مخرجة فيلم مش أنا.. قرأت بوست حضرتك اللي بتوضح فيه انك فاهم قصد حلا عن بعض اللقطات اللي كان المفروض نراعيها. خلينا نتكلم بالحق بعد اذن حضرتك احنا نشيل مشاهد ليه و بأي حق بعد ما صورت و اخدت اجرها كامل؟".
وأكملت:"واحنا مالنا انك اتجوزتها !! انت اتجوزتها فنانة و بتصور الفيلم دا و دي حاجه بينك و بينها احنا مالنا و كمان بتقول كنت هتاخد اجراء ..إجراء ايه اللي تاخده انت ملكش اي حق تاخد أي إجراء المفروض تشكرنا اننا مخدناش إجراء قانوني ضد مراتك اللي امتنعت عن تسجيل صوتها لدوبلاچ الفيلم وعن تصوير افيش الفيلم اللي مدفوع فيه ملايين انت متعملش حاجه غير انك تشكرنا لأننا شيلنا كل المشاهد اللي هي ماكنتش عايزاها وممكن ابعتهالك تشوفها عشان تعرف بس ازاي انا و المنتج و الفنان تامرحسني فتحنا الفيلم و عيدنا المونتاچ تاني على حساب الفنان تامرحسني مادياً عشان يرضي حلا مع انها مشاهد من وجهة نظري طبيعية و كوميدية و رومانسية راقيه لأن دي طبيعة أفلام تامر ومع ذلك شال كل المشاهد دي و احترم وجهة نظرها".
واستطردت موضحة:" فيما يخص الكليب بقي هو حضرتك كنت فين من 21 يوم من ساعه ما الفيلم نزل ما هو الكليب في الفيلم ومصر كلها تقريبًا شافت الفيلم و محقق اعلى إيرادات كنت فين حضرتك و هي كانت فين ؟ ما هو الفيلم كله على بعضه هينزل كمان في التلفزيونات بالكليب اللي جواه و بعدين دا كليب رومانسي و المراعاة من وجهة نظرك هي ضرر من وجهة نظر الإنتاج و دي مصاريف كبيره أوي و حلا وافقت تصور برضاها و رغم كل دا كلمناها كتير مردتش علينا ولا علي رسايلنا كان لازم بخبرتك تخليها تتواصل مع شغلها و تقفل الصفحه صح مش تخليها تقاطع شغلها و تورطها كدا دا لو انت السبب في المقاطعه دي والله اعلم".
واختتمت سارة وفيق حديثها وقالت:"بعدين حضرتك كنت فين و هي بتكتب البوست الصبح ليه المواعظ العظيمه الجميله دي منصحتهاش بيها ، دا لو مش انت اللي كاتب البوست اصلاً ، انا مكنتش ناويه ارد على حلا لأن تامر رد بمنتهي الادب والاحترام ووضح كل حاجه وحلفني مااردش عشان خاطر نفسيتها بس انت استفذتني بصراحه و لو انت اللي ارغمتها تكتب بوست بالشكل الساذج دا عشان تحافظ على منظرك قدام الناس فاانت فضلت نفسك على حساب حلا و للأسف خليت الناس كلها تهاجم مراتك دا لو انت السبب برضو والعلم عندالله..".
