أخبار عاجلة
فيديو.. اعترافات المتهمين في تسريبات عبد الله الشريف المفبركة
تمكنت وزارة الداخلية من ضبط المتهمين بفبركة تسريب عبد الله الشريف المزعوم .
حصلت “البوابة نيوز”، على اعترافات المتهمة مرفت محمد علي، التي انتحلت شخصية مستشارة في رئاسة الجمهورية، خلال تسجيلات تليفونية مفبركة أذاعها الإخواني الهارب عبد الله الشريف مستهدفا احدى مؤسسات الدولة لاثارة الراي العام.
اعترافات المتهمين
وأدلت المتهمة باعترافها أمام جهات التحقيق قائلة: اسمي مرفت محمد علي - مواليد 13/9/1969 - السنة دي اشتغلت في مجال المقاولات علشان ازود دخلي بالنسبة للعمولات، وتعرفت في شهر 9 اللي فات على شخص بيعمل في نفس المجال ادعى ان اسمه اللواء فاروق القاضي وانه له علاقات مع مسئولين كبار في الدولة، وأنا قلت وادعيت طبعا بالكدب أني شغالة في رئاسة الجمهورية واننا بعلاقتنا ديه نقدر نعمل شغل كويس".
وأدلى المتهم وائل عبد الرحمن عقب القبض عليه اليوم، باعترافه قائلا: اسمي وائل عبد الرحمن عندي 42 سنة شغال في مجال السمسرة اتعرفت على حد من 4 شهور عن طريق التليفون على لواء إدعى إن اسمه فاروق القاضي وان بعلاقاته في رئاسة الجمهورية يقدر يخلص أي شغل ومصالح حكومية قادمة وبعتلي مكالمات هاتفية أظهرت إن الناس بتتعامل معاه على إنه حد مهم وشغال في رئاسة الجمهورية، وفي الفترة الأخيرة حصلتلي مشاكل مادية ففكرت إني استغل المكالمات اللي كان بيبعتهالي ومنتشرة على النت وجبت رقم تليفون الإخواني الهارب عبد الله الشريف من اليوتيوب واتواصلت معاه وبعتله المكالمات وبلغته إني هبعتله مكالمات تاني على خلاف الحقيقة ووعدني بإرسال مبلغ 10 آلاف دولار ولكنه نصب عليا.
كما اعترف المتهم حنفى عبد الرازق الذي انتحل شخصية اللواء فاروق القاضي بالمحادثة التليفونية الاخيرة الذي أذاعها الإخوني الهارب عبد الله الشريف، قائلا: اسمي حنفي عبد الرازق 61 سنة مقيم بالقطامية متهم بقضايا نصب وتنقيب عن الاثار منذ 5 سنوات عملت دور اللواء فاروق القاضي في التسجيل التليفوني المفبرك بدأت اقوي علاقاتي بالناس اخد التسجيلات الموجودة على التليفون وبقيت ابعتها للناس علشان تصدق اني راجل مهم وشغال مستشار برئاسة الجمهورية، وخلال الثلاثة شهور الماضية عرفت واحدة عن طريق التيلفون ادعت انها مستشارة في رئاسة الجمهورية اسمها مرفت محمد علي قعدنا اتكلمنا مع بعض وسجلت شوية مكالمات واخدت مكالمة منهم وبعتها لكل الناس اللي عندي على الواتس فوجئت أن الاخواني منزل صوت ليا وصوت لمرفت محمد علي”.
