ابنة الدكتور هاني الناظر تطلب الدعاء له: بابا في أشد مراحل المرض

حالة كبيرة من الحزن العارم احتاجت رواد السوشيال ميديا خاصة متابعي ومحبي الدكتور الشهير هاني الناظر، وذلك بعد انتشار صورة له على مواقع التواصل الاجتماعي ظهر فيها وهو طريح الفراش وعلى وجهه علامات المرض الشديد.

ابنة الدكتور هاني الناظر تطلب الدعاء له

وطلبت نجلاء الناظر ابنة الدكتور هاني الناظر، الدعاء لوالدها، مؤكدة أن المرض اشتد عليه خلال الفترة الأخيرة وتدهورت حالته الصحية بشكل كبير مما أدى إلى دخوله العناية المركزة.

وقالت نجلاء الناظر من خلال منشور لها نشرته عبر حسابها الشخصي: «أنا بعتذر جدا جدا لكن حقيقي الموضوع صعب أوي نفسيا علينا كلنا، أنا مُقدّرة شعور كل الناس وممتنة جدا لأي حد يسأل عنُّه، شعور جميل و لفتة جميلة جدا من كل اللي بيسأل بشكل متواصل لكن هيكون صعب عليا حقيقي الرد حاليا، خصوصا أننا في أشد مراحل المرض، فقط أرجو الدعاء له لأنه في أشد الحاجة إليه».

كما حرصت نجلاء الناظر على توجيه الشكر لكل من توجه بالسؤال عن والدها، قائلة: «أنا بشكر أي حد بيسأل على والدي أو حابب يتطمن عليه، وبشكركم على دعائكم ليه، أنا يجيلي رسائل كتير جدا يوميًا فيه سؤال عنه وعن أحواله الصحية».

وتابعت: «في الواقع هو وضعه الصحي صعب و تعبان جدا ومحتاج لدعاء كل حد، لكن صعب أرد على رسائل يوميا لأن الوضع صعب تقييمه قبل ما يمر وقت طويل من العلاج، يعني مش قبل 3 أشهر على الأقل أو أكتر عشان نقدر نقول فيه تحسُّن».

وأضافت نجلاء الناظر: «السرطان مرض صعب وبياخد وقت طويل جدا في العلاج، اعتقد الكل عارف ده، يعني مش دور برد ممكن يتحسن في يوم أو اتنين أو حتى أسبوع، يعني لما حد يسألني و بعدها بكام يوم يسألني تاني، هيكون في الاغلب نفس الرد للأسف، وساعات بيكون أسوأ فأنا بعتذر أني مش بقدر أرد على كل الرسائل وصدقوني الموضوع مرهق و متعب جدا مجرد الكلام فيه، يعني بيكون صعب عليا أفضل أشرح لكل حد مدى تعبه وهو عامل إزاي ده في حد ذاته شيء مؤلم».

واكدت:«محدش متخيل هو عامل ازاي دلوقتي للأسف، واتأكدوا لو في أي تطور للأحسن، مش هنخبي على حد، هنقول لكل الناس، وهو بنفسه بإذن الله هيبقى أول واحد يكتب على صفحته، ربنا يديله الصحة واليوم ده يجي بسرعة أوي».

ابن الدكتور هاني الناظر يوضح حالته الصحية

جدير بالذكر أن الدكتور محمد الناظر، قال في منشور له عبر موقع التواصل الاجتماعي فيسبوك: والدي الدكتور هاني الناظر في وعكة صحية شديدة جدًا، وأن شاء الله داخل يعمل عملية بكرة الصبح، وحقيقي محتاج دعائكم.. ربنا يقومه بالسلامة ويعديها على خير.