الفن
تفاصيل ختام حفلات أحمد سعد اليوم الأحد بلوس أنجلوس
يختتم النجم أحمد سعد حفله الغنائي الأخير بمدينة لوس أنجلوس، والذي يكون رابع حفلات جولته الغنائية فى سان فرانسيسكو، إذ كان حفله الأول فى ولاية نيوجيرسى بأمريكا، وحفله الثانى بمدينة هيوستن بولاية تكساس، وحفله الثالث بمدينة تورنتو.
آخر أغنيات النجم أحمد سعد
وكانت آخر أغنيات النجم أحمد سعد "بعتذرلك"، والذي تعاون فيها مع كل من الشاعر الغنائي محمد شافعي، والملحن إسلام رفعت، والموزع الموسيقى ومهندس الصوت يحيى مهدى.
وتقول كلمات أغنية بعتذر لك:
بعتذرلك إني دايمًا كنت أقصر في الكلام
وإني بسرح لما أشوفك ف أبتسم لك والسلام
وإني جاهل في المعاملة والمجاملة والاهتمام
وإني عاجز إني أفسر صوت مشاعري وإني خام
وإن قلبي بيبكي جدًا لو يحسك هاتسيبيه
وإن حضني ساعات ماكنش يسمح إنك تبقي فيه
وإني عادي ومش مثالي وإني سهل ومش حويط
وإن بير أسراري خالي وإني بني آدم بسيط
وإني ناقص كام بحبك كام عشقتك كام بغير
وإني بسمح للخناق إنه يتحكم كتير
وإني عادي ومش مثالي وإني سهل ومش حويط
وإن بير أسراري خالي وإني بني آدم بسيط
وإني ناقص كام بحبك كام عشقتك كام بغير
وإني بسمح للخناق إنه يتحكم كتير
وإني سبتك مره تبكي وإنتي مش قد العياط
وإني مره نسيت أشاركك في الزعل والإنبساط
وإني كل وعودي دابت وإن شعرة حزني شابت
وإني عندي جرح ثابت وإن أنا مليان خدوش
وإن خوفي ده إبتلائي وإني بأذيكي بحيائي
وإن حبي وإشتياقي الكلام مبيوصفوش
وإني عادي ومش مثالي وإني سهل ومش حويط
وإن بير أسراري خالي وإني بني آدم بسيط
وإني ناقص كام بحبك كام عشقتك كام بغير
وإني بسمح للخناق إنه يتحكم كتير
وإني عادي ومش مثالي وإني سهل ومش حويط
وإن بير أسراري خالي وإني بني آدم بسيط
وإني ناقص كام بحبك كام عشقتك كام بغير
وإني بسمح للخناق إنه يتحكم كتير
أبرز تصريحات أحمد سعد المثيرة للجدل
تصدر الفنان أحمد سعد خلال الفترة الماضية تريند مواقع السوشيال ميديا منذ انتشار تصريحاته المثيرة للجدل بعد استضافته في برنامج «AB talks» للإعلامي أنس بوخش، حيث تحدث خلال الحلقة عن أسرار حياته الشخصية وعايلته، بالإضافة إلى يوم وفاته.
وقال أحمد سعد: «بحب يوم وفاتي جدا، واليوم ده اللي هتحرر من كل الحاجات اللي ماسكاني، وعملت أغنية برثي نفسي فيها عشان تنزل بعد وفاتي».
وتابع: «عايز أعيش في سلام من جوه ومن برة، وحلمت حلم غريب وأنا عندي 25 سنة وشوفت حاجات غريبة جدا عن نفسي، وصحيت من الحلم ميت من العياط.
وقال أحمد سعد عن علاقته بعائلته وطفولته: "ابتديت أحفظ قرآن وابتهالات دينية في طفولتي وبعدين دخلت في أم كلثوم وعبد الوهاب، وكنت دايماً في العيلة بحب أظهر عشان كنا 9، وحب الظهور ده نوع من أنواع الأمراض، كنت بحارب طول الأسبوع عشان أبان قدامهم".
وأضاف: "النجاح بالنسبة لي إن كل الناس في الحياة يلاقوا عندك حاجة يحبوها ليك سواء طريقتك أو خفّة دمك، والناس بتسمع أغنية "إيه اليوم الحلو ده" في شوارع باريس والفقراء والأغنياء وبتعمل أجواء حلوة ليهم".
